काठमाडौं । युरोपा लिग फुटबलमा टोटेनहम बराबरीमा रोकिएको छ । बिहिवार राति भएको समूह जेको खेलमा टोटेनहमले अष्ट्रियन क्लब लास्कसँग ३-३ गोलको बराबरी खेल्दै नकआउट चरण प्रवेश गरेको हो ।
खेलमा अग्रता ४२ औं मिनेटमा घरेलु टोली लास्कले पिटर मिकोरलको गोलमा लिएको थियो । पहिलो हाफको ईन्जुरी समयमा पेनाल्टीमा गोल गर्दै ग्यारेथ बेलले खेल बराबरीमा ल्याएका थिए ।
५६ औं मिनेटमा ह्युङ मिन सनले टोटेनहमलाई २-१ ले अघि बढाएका थिए । खेलको ८४ औँ मिनेट अघि घरेलु टोलीका जोहान्स एगेन्स्टीनले खेल २-२ मा पुर्याएका थिए ।
डेली अलीले खेलको अन्तिम समयमा पेनाल्टीमा गोल गर्दै टोटेनहमलाई जितको नजिक पुर्याएका थिए । तर ईन्जुरी समयमा लास्कका ममौदो करमोकोले गोल गर्दै टोटेनहमसँग अंक खोस्न सफल रहे ।
समूहमा शीर्ष क्लब एन्टवर्पको १२ अंक छ । दोस्रो टोटेनहमको १० अंक छ । लास्क ७ अंक बटुल्दै समूह चरणबाट बाहिरिएको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया