चीनमा फ्रोजन फूडमा भेटियो कोरोना भाइरस !

काठमाडौं । चीनको सेन्टर फर डिजीन कन्ट्रोल एण्ड प्रिभेन्सनले फ्रोजन फूड प्याकेजिङको बाहिरी भागमा कोरोना भाइरस भेटिएको बताएको छ ।

चीन सरकारद्वारा सञ्चालित सीसीटिभी च्यानलले यस कुराको पुष्टि गरेको हो । उसले फूड प्याकेजिङको बाहिरी भागमा प्रदूषित भएकोले परीक्षण गर्दा कोरोना भाइरस पाइएको बताएको हो ।

जानकारीका अनुसार यस पटक शेडोंग प्रान्तको तटीय शहर किंगदाओको फूड प्याकेजिङमा कोरोना भाइरस पाइएको हो । तर चिनियाँ ब्रोडकास्टिङ एजेन्सीले भने हालसम्म केहि बताएको छैन ।

फूड प्याकेजिङमा कोरोना पाइएको भन्दै चीनले बाहिरी देशबाट आयात गरेका फ्रोजन फूड प्याकेजिङको परीक्षणमा कडाई गरेको छ ।

यसबारेमा चिनियाँ अधिकारीहरुले यो भन्दा पहिला पनि विभिन्न देशबाट आयातित फ्रोजन फूडमा कोरोना पाइएको बताएका छन् ।

एजेन्सीको सहयोगमा