कोरोनाबाट रुपन्देहीमा थप एकको मृत्यु

रूपन्देही । रुपन्देहीमा कोरोना भाइरस संक्रमणबाट थप एक जनाको मृत्यु भएको छ ।

सिद्धार्थनगर नगरपालिका–५ का ४७ वर्षीय पुरुषको गएराती मृत्यु भएको हो ।

उनी जिल्लाको भैरहवास्थित युनिभर्सल कलेज अफ मेडिकल साइन्सेजमा उपचाररत थिए ।

उनमा असोज १२ गते गरिएको पीसीआर परीक्षणमा ‘पोजिटिभ’ देखिएको अस्पतालका सूचना अधिकारी सुशील गुरुङले लोकपथलाई जानकारी दिए ।