काठमाडौं । बलिउड अभिनेता सुशान्त् सिंह राजपूतको मृत्युसँग जोडिएको ड्रग्स कनेक्शन केस एनसीबीले अनुसन्धान गरिरहेको छ ।
यस अनुसन्धानमा बलिउडका केहि ठूला कलाकार समेत फसेका छन् ।
श्रद्धा कपूर, रकुल प्रित, सारा अली खानजस्ता चर्चित बलिउड अभिनेत्रीहरुको नाम जोडिएको थियो । यसैबीच अब भने अर्की बलिउडकी चर्चित अभिनेत्री दीपिका पादुकोणको नाम ड्रग्स कनेक्शनमा जोडिएको छ ।
दीपिका पादुकोणले जया साहाको कम्पनीकी म्यानेजर करिश्माको साथमा भएको ड्रग्स च्याटको बारेमा खुलासा भएको छ । यो खुलासा एनसीबीले गरेको हो ।
एनसीबीले ह्वाट्सएप च्याटमा दीपिकाले ड्रग्सको बारेमा च्याट गरेको कुरा भेट्टाएको हो । दीपिकाले करिश्मालाई सोधेकी छ्न, के तिमीसँग माल छ ? यसमा करिश्माले छ, तर घरमा, म अहिले बान्द्रामा छु भनेकी छन् ।
यसमा करिश्मा कोहि अमितको नाम लिएर भन्छिन्, ‘म अमितको माध्यमबाट तिमीलाई पठाउन सक्छु, त्यसमा दीपिका भन्छिन्, एस प्लीज, केहि समय पछि करिश्मा भन्छिन्, अमित लिएर जाँदैछ, त्यसपछि दीपिका भन्छिन्, ह्याश छ नि ? तर करिश्मा भन्छिन्, ह्याश होइन गाँजा हो ।’
एक पछि अर्को गर्दै अहिले चर्चित बलिउड कलाकारहरु ड्रग्स केसमा समातिरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया