बाग्मती प्रदेशमा थप ८१९ जनामा कोरोना पुष्टि, कुन जिल्लामा कति ?

काठमाडौं । बाग्मती प्रदेशमा थप ८१९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले दिएको जानकारी अनुसार काठमाडौंमा ६ सय ५२, ललितपुरमा ६० र भक्तपुरमा २५ सहित प्रदेशभर थप ८१९ जनामा कोरोना पुष्टि भएको हो । त्यस्तै पछिल्लो २४ घण्टामा प्रदेशभर थप ४ जनाको मृत्यु भएको छ । मृत्यु हुनेमा काठमाडौंका २ र काभ्रेपलाञ्चोकका २ जना रहेको मन्त्रालयले जनाएको छ ।

कुन जिल्लामा कति थपिए संक्रमित ?

नेपालमा पछिल्लो २४ घण्टामा कोरोनाको कारण थप ८ जनाको ज्यान गएको छ । त्यससँगै नेपालमा कोरोनाको कारण ज्यान गुमाउनेको संख्या ३७९ पुगेको स्वास्थ्य तथा जनसंख्या मन्त्रालयले जनाएको छ । मृत्यु हुनेमा ४ जना पुरुष र ४ जना महिला रहेका छन् ।

नेपालमा पछिल्लो २४ घण्टामा थप १ हजार ५ सय ३९ जनामा कोरोना संक्रमण पुष्टि भएसँगै कुल संक्रमितको संख्या ५८ हजार ३ सय २७ जना पुगेको छ । मन्त्रालयका अनुसार हालसम्म कुल संक्रमितमध्ये ७१ दशमलव ५ प्रतिशत अर्थात ४१ हजार ७ सय ६ जना कोरोना उपचारपछि निको भएर घर फर्किएका छन् । पछिल्लो २४ घण्टामा मात्र थप १ हजार ६८ जना कोरोना मुक्त भएका हुन् । नेपालमा हालसम्म ८ लाख ७२ हजार २ सय ७४ जनाको पीसीआर परीक्षण गरिएको छ । पछिल्लो २४ घण्टामा देशभरको प्रयोगशालामा १० हजार ९ सय ९४ जनाको पीसीआर परीक्षण भएको मन्त्रालयले जनाएको छ ।