काठमाडौं । नेपाली कांग्रेसका वरिष्ठ रामचन्द्र पौडेल समूहले आज भर्चुअल बैठक बोलाएको छ ।
सभापति शेरबहादुर देउवाका पछिल्ला निर्णयविरुद्ध शनिबार रणनीति बनाउन सो बैठक बोलाइएको हो ।
शनिबार दिउँसो २ बजेका लागि केन्द्रीय सदस्यको भर्चुअल बैठक बोलाएको एक नेताले बताए ।
बैठकमा विभाग गठन, क्रियाशील सदस्यता वितरण र तेस्रो भ्रातृ संस्थाको कार्यकाल थपलगायतका विषयमा छलफल हुने बताइएको छ ।
सभापति शेरबहादुर देउवाले विभागमा मनोनयन मनपरी गरेको भन्दै पौडेल समूह आक्रोशित छ ।
यो खबर पढेर तपाईलाई कस्तो महसुस भयो ?
प्रतिक्रिया