काठमाडौं । दक्षिण चीन सागरमा चीन र अमेरिकाबीचको विवाद चरमउत्कर्षका पुगेको छ । दुबै देशहरुले आफ्ना सेना र लडाकू विमान तैनाथ गरेका छन् ।
बितेको महिना यता चीन रअमेरिकाबीच भएको यो गतिविधिले अन्य छिमेकी देशहरु भने त्रसित बनिरहेका छन् ।
ताइवानमा अमेरिकी मन्त्रीको भ्रमणले रुष्ट बनेको चीन र दक्षिण चीन सागरमा आएर रजाईं गर्न खोज्ने अमेरिकाको यो कदमबाट दक्षिण चीन सागर निकटमा रहेका देशहरुमा त्रास पैदा भएको हो ।
चीनले ताइवान स्ट्रेटको नजिक आफ्नो युद्धपोत र फाइटर जेट तैनाथ गरेको भन्दै अमेरिकाले पनि ताइवानलाई सहयोग गर्न भन्दै एयरक्राफ्ट क्यारियर यूएसएस रोनाल्ड रिगन पठाएको छ ।
साथै अमेरिकी फाइटर जेटले पनि उडान भरेको अन्तर्राष्ट्रिय सञ्चारमाध्यमहरुले बताएका छन् ।
अमेरिकाले दक्षिण चीन सागरमा आफ्नो सैन्य अभ्यास गरेर चीनलाई डराउने प्रयास गरिरहेको छ भने चीनले पनि आफ्ना लडाकू विमानद्वारा गस्ती गरिरहेको छ ।
केहि दिन अगाडि मात्रै चीनले अमेरिकालाई आगोसँग नखेल्नु र खेलेमा आफैँ नष्ट भएर जानुपर्ला भन्दै चेतावनी दिएको थियो ।
साथै चीनले आफ्ना सेनालाई सकेसम्म आफ्नो तर्फबाट कुनै अवस्थामा पनि गोली नचलाउन आदेश दिएको छ ।
दक्षिण चीन सागरमा अमेरिका लगातार एयरक्राफ्ट पठाईरहेको छ ।
ताईवानको नजिक भने चीनले ४० हजार आफ्ना सैनिक तैनाथ गरेको अन्तर्राष्ट्रिय सञ्चारमाध्यमहरले बताएका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया