नेपालमा कोरोना अपडेट विवरण : थपिएका संक्रमित कुन जिल्लामा कति ? (सूचीसहित)

लोकपथ संवाददाता

२०७७,श्रावण,१८,आईतवार १७:३१

काठमाडौं – कोरोना भाइरस ‘कोभिड – १९’ संक्रमणबाट वीरगञ्जमा थप एकजनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार पर्साको वीरगञ्ज महानगरपालिका – १६ का ६८ वर्षिया वृद्धाको साउन १७ गते कोरोनाबाट मृत्यु भएको हो । ज्वरो र खोकीको समस्या देखिएपछि साउन १४ गते उनी नारायणी बयोधा अस्पतालको आइसियुमा भर्ना भएको प्रवक्ता डा जागेश्वर गौतमले बताए । स्वास्थ्य अवस्था थप जटिल बन्दै गएपछि १७ गते नारायणी कोभिड अस्पताल रिफर गरिएकोमा बाटोमै मृत्यु भएको हो । मधुमेह र उच्च रक्तचापको ति वृद्धामा १६ गते कोरोना पोजेटिभ देखिएको थियो । यो सँगै नेपालमा कोरोनाबाट मृत्यु हुनेका संख्या ५७ पुगेको छ ।

यसैबीच बितेको २४ घण्टामा नेपालमा थप २ सय ४६ जनामा कोरोना संक्रमण पोजेटिभ देखिएको छ । काठमाडौं उपत्यकामा मात्रै ३१ जनामा संक्रमण देखिएको छ । यो सँगै नेपालमा संक्रमितको संख्या २० हजार ३ सय ३२ पुगेको छ । नेपालमा हिजो शनिवार ३१५ जनामा कोरोना संक्रमण पुष्टि भएको थियो । जसमा १४ हजार ६ सय ३ जना डिस्चार्ज भएका छन् ।

आइतबार मात्रै १ सय ११ जना संक्रमित उपचारपछि निको भएर घर फर्किएका छन् । प्रदेश नम्बर १ मा ८ सय ५८, प्रदेश नम्बर २ मा ३ हजार १ सय ६४, बागमती प्रदेशमा ५ सय ३४ र गण्डकी प्रदेशमा १ हजार ३ सय ६ जना डिस्चार्ज भएका छन् । यस्तै प्रदेश नम्बर ५ मा ३ हजार ९ सय ७३, कर्णाली प्रदेशमा १ हजार ७ सय २२ र सुदूरपश्चिम प्रदेशमा ३ हजार ४६ जना डिस्चार्ज भएका छन् ।

अहिले विभिन्न अस्पतालका आइसोलेसनमा ५ हजार ६ सय ७२ जना संक्रमित उपचाररत रहेका छन् । प्रदेश नम्बर १ मा २ सय ५१, प्रदेश नम्बर २ मा २ हजार १ सय ७५, बाग्मती प्रदेशमा ६ सय ६ र गण्डकी प्रदेशमा २ सय ८७ जना उपचाररत रहेका छन् । यस्तै प्रदेश नम्बर ५ मा ३ सय ९६, कर्णाली प्रदेशमा २ सय ९३ र सुदूरपश्चिम प्रदेशमा १ हजार ६ सय ६४ जना संक्रमित उपचाररत अर्थात् एक्टिभ केस रहेको प्रवक्ता डा। गौतमले जानकारी दिए।

परीक्षण :

आइतबार पीसीआर विधिबाट ८ हजार ८ सय ६१ वटा परीक्षण भएको छ । आजसम्म पीसीआर विधिबाट ३ लाख ९१ हजार २ सय ७० जनाको कोरोना परीक्षण भएको छ । देशभरीका क्वारेन्टाईनमा १० हजार ९ सय ३४ जना रहेका छन् । प्रदेश नम्बर १ मा १ हजार २ सय ५, प्रदेश नम्बर २ मा १ हजार ४ सय ९४, बाग्मती प्रदेशमा ७ सय ६९ र गण्डकी प्रदेशमा २ हजार ८ सय ६० जना रहेको छन । यस्तै प्रदेश नम्बर ५ मा १ हजार ४ सय २२, कर्णाली प्रदेशमा ४ सय ६८ र सुदूरपश्चिम प्रदेशमा २ हजार ७ सय १६ जना क्वारेन्टाईनमा रहेका छन् ।

मन्त्रालयले कोरोना महामारी फैलिएको पर्साको वीरगञ्‍जमा उच्चस्तरीय स्वास्थ्य टोली पठाइएको उनले बताए । स्वास्थ्य सेवा विभागका महानिर्देशक डा दीपेन्द्र रमण सिंहको नेतृत्वमा उच्चस्तरीय टोली प्रदेश २ को वीरगञ्ज पठाइएको हो ।

आरडिटी विधिबाट कोरोना परीक्षण नगर्न आग्रह गरेको छ । प्रवक्ता डा। गौतमले आरडिटी परीक्षण नगर्न प्रदेश, स्थानीय तह र अस्पतालहरुलाई आग्रह गरे । यस्तै आकस्मिक सेवा सहित अन्य सेवा प्रभावित भएका अस्पतालहरुमा उचित व्यवस्थापन गरी उपचारको व्यवस्था मिलायन पनि उनले आग्रह गरे ।

यसैबीच कोरोनाको जोखिम बढीरहेको र लक्षणसहितका बिरामी बढिरहेको अवस्थामा स्वास्थ्य मन्त्रालयले ६० वर्ष माथिका जेष्ठ नागरिक र १२ वर्षमुनिका बालबालिकालाई घर बाहिर ननिस्किन आग्रह गरेको छ ।

काठमाडौंमा थप २२ जनामा कोरोना संक्रमण पुष्टि :
बितेको २४ घण्टामा थपिएका २४६ जना संक्रमितमध्ये काठमाडौंका २२ जनामा कोरोना भाईरस ‘कोभिड – १९’ संक्रमण पुष्टि भएको छ । बितेको २४ घण्टामा गरिएको ८ हजार ८ सय ६१ वटा नमूनामा काठमाडौंका २२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

राष्ट्रिय जनस्वास्थ्य प्रयोगशाला टेकु अस्पतालमा गरिएको परिक्षणमा ११ जना, शुक्रराज ट्रपिकल तथा सरुवा रोग अस्पतालमा ८ जना, विर अस्पताल काठमाडौंमा गरिएको परिक्षणमा १ जना, प्रहरी अस्पतालमा गरिएको परिक्षणमा २ जना गरी बितेको २४ घण्टामा काठमाडौंमा २२ जनामा कोरोना संक्रमण पुष्टि भएको हो ।

भक्तपुरका एक जनामा कोरोना पुष्टि :
पछिल्लो २४ घण्टामा भक्तपुरका एक जनामा कोरोना संक्रमण पुष्टि भएको छ । नेपाल कोरिया मैत्री अस्पताल भक्तपुरमा गरिएको स्वाब परीक्षणमा भक्तपुरका एक जनामा कोरोना संक्रमण पुष्टि भएको हो ।

मन्त्रालयका अनुसार उनको स्वास्थ्य अवस्था समान्य रहेको छ भने उनी चिकित्सकको निगरानीमा रहेका छन् ।

ललितपुरका ८ जनालाई कोरोना संक्रमण :

पछिल्लो २४ घण्टामा ललितपुरका ८ जनालाई कोरोना संक्रमण पुष्टि भएको छ ।

स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा. डा. जागेश्वर गौतमले आज ललितपुरका आठ जनामा कोरोना संक्रमण पुष्टि भएको जानकारी दिए ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा ४ जना, त्रिभुवन विश्वविद्यालय शिक्षण अस्पताल महाराजगञ्जमा गरिएको परीक्षणमा एक जना र स्टार अस्पताल ललितपुरमा गरिएको परीक्षणमा तीन जनामा गरि आज ललितपुरमा आठ जनामा कोरोना संक्रमण पुष्टि भएको हो ।

कहाँ कति थपिए हेर्नुहोस् सूची ?

सुनसरीका १२ जना

मोरङका १६ जना

धनुषाका ३५ जना

चितवनका १ जना

महोत्तरीका ५ जना

सर्लाहीका १ जना

पर्साका ८१ जना

बझाङका २ जना

डोटीका ११ जना

कैलालीका १० जना

काठमाडौंका २२ जना