अर्घाखाँचीमा थप एक जनामा संक्रमण पुष्टि , संक्रमित संख्या ५ पुग्यो

काठमाडौं – अर्घाखाँचीमा शनिवार थप एक जनामा कोरोना संक्रमण पुष्टि भएको छ ।

जिल्लाको छत्रदेव गाउँपालिका वडा न ५ छत्रगञ्जको क्वारेन्टाइनमा रहेका ४९ बर्षीय पुरुषमा संक्रमण पुष्टि भएसँगै अर्घाखाँचीमा संक्रमितको संख्या ५ जना पुगेको हो ।

स्वास्थ्य कार्यालय अर्घाखाँचीका अनुसार संक्रमित व्यक्ति भारतबाट आएर क्वारेन्टाईनमा बसेका थिए ।

यसभन्दा अगाडि पाणिनी गाउँपालिकाको क्वारेन्टाईनमा रहेका दुई जना र शितगंगा नगरपालिकाका एक जनामा कोरोना पुष्टि भएको थियो भने भूमिकास्थान नगरपालिकाका एक युवकको भारतबाट घर फर्किने क्रममा बसमा निधन भएको थियो ।

उनको पिसिआर रिपोर्ट पोजेटिभ आएको थियो।

नेपालमा आज (शनिवार) एकैपटक ३२३ जनामा कोरोना भाइरसको संक्रमण पुष्टि भएको छ ।

योसँगै नेपालमा कुल कोरोना संक्रमितको संख्या ३ हजार २३५ पुगेको छ ।