श्रीमतीलाई धारिलो हतियार प्रहार गर्ने श्रीमान पक्राउ

काठमाडौं । चितवनमा श्रीमतीलाई धारिलो हतियार प्रहार गरी घाइते बनाएको अभियोगमा एक जना पक्राउ परेका छन् । चितवन रत्ननगर नगरपालिका-१५ माधवपुर बस्ने ५४ वर्षीय पूर्ण प्रसाद ढकाललाई मंगलबार राति प्रहरीले पक्राउ गरेको हो ।

घरायसी बिवादको कारण उनले आफ्नै श्रीमतीलाई धारिलो हतियार प्रहार गरी घाइते बनाए पछि प्रहरीले उनलाई पक्राउ गरेको हो । घाइतेको पुरानो मेडिकल कलेज भरतपुरमा उपचार भइरहेको छ ।

यस घटना बारे प्रहरीले थप अनुसन्धान गरिरहेको बताएको छ ।