काठमाडौंको एकै परिवारका ३ जनामा कोरोनाको आशंका, परिक्षणको लागि अस्पताल भर्ना

काठमाडौं । काठमाडौंमा एकै परिवारका ३ जनामा कोरोना संक्रमणको आशंकामा परिक्षणको लागि पाटन अस्पताल भर्ना गरिएको छ ।

पेप्सीकोला टाउन प्लानिङस्थित सनसिटी अपार्टमेन्टको १५ औं तलामा बस्ने आमा, छोरा र बुहारीलाई र्‍यापिड डायग्नोस्टिक टेस्ट किटमा परिक्षण गर्दा कोरोना पोजिटिभ देखिएको हो।

पीसीआर विधिबाट नमुना संकलनका लागि उनीहरुको थ्रोट स्वाब लिइएको अस्पतालको स्रोतले जनाएको छ ।

स्रोतका अनुसार उक्त परिवार सो चैत ५ गते लण्डनबाट फर्किएको थियो। अपार्टमेन्टमा बस्ने तीनजनालाई कोरोना पोजेटिभ देखिएपछि सो बिल्डि‌ङलाई नै लकडाउन गरेर प्रहरीले उच्च सतर्कता अपनाएको छ ।