प्रहरी हिरासतमा रहेका महेश हतकडीसहित फरार

काठमाडौं । सप्तरीमा प्रहरीले नियन्त्रणमा लिएका एक युवक हतकडीसहित फरार भएका छन् । प्रहरीले नियन्त्रणमा लिएका युवक आइतबार बिहान हतकडीसहित फरार भएका हुन् ।

मादक पदार्थ सेवन गरेर आत्महत्या गर्न लागेका बोदे बरसाईन नगरपालिका वडा नम्वर ८ रजापट्टीका ३० वर्षीय महेश यादवलाई आइतबार बिहानै प्रहरीले नियन्त्रणमा लिएको थियो ।

यादवले आत्महत्याको प्रयासका साथै पत्नीलाई कुटपिट गर्न थालेपछि स्थानीयले प्रहरीलाई दिएको सूचनाका आधारमा बिहान पौने २ बजेतिर उनलाई नियन्त्रणमा लिएर प्रहरी चौकी काचनमा राखिएको थियो ।

हिरासतमा राखेको केही मिनेटमै हतकडीसहित यादव फरार भएको प्रहरीले जनाएको छ । फरार यादवको खोजी कार्य भईरहेको प्रहरीले जनाएको छ ।