काठमाडौं । राष्ट्रपति रामचन्द्र पौडेलले संघीय संसदको दुवै सदनको अधिवेशन अन्त्य गरेका छन् ।
असोज १६ गते राति १२ बजे (भोलि) देखि लागू हुने गरी राष्ट्रपति पौडेलले अधिवेशन अन्त्य गरेका हुन् ।
नेपालको संविधानको धारा ९३ को उपधारा २ बमोजिम असोज १३ गते मंगलबार बसेको मन्त्रिपरिषद् बैठकले अधिवेशन अन्त्यका लागि सिफारिस गरेको थियो ।
सोही अनुसार भोलि राति १२ बजेबाट लागू हुने गरी राष्ट्रपतिले अधिवेशन अन्त्य गरेका हुन् ।
सरकार (मन्त्रिपरिषद्) को सिफारिसमा राष्ट्रपतिबाट अधिवेशन आह्वान र अन्त्य हुने व्यवस्था रहेको छ ।
संघीय संसदको चालु अधिवेशन गत वैशाख २८ गतेदेखि सुरु भएको थियो । अधिवेशनले सरकारको नीति तथा कार्यक्रम तथा चालु आर्थिक वर्षको बजेट समेत पास गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया