काठमाडौं । साताको पाचौं कारोबारको दिन नेपाली बजारमा सुनको मूल्यमा गिरावट आएको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ५ हजार १ सय रुपैयाँले घटेको हो । बुधबार तोलामा १० हजार एक सय रूपैयाँले घटेको थियो ।
अघिल्लो दिन २ लाख ९१ हजार ८ सय रुपैयाँमा कारोबार भएको सुन आज ५ हजार १ सय रुपैयाँले घटेर २ लाख ८६ हजार ७ सय रुपैयाँमा कारोबार भइरहेको छ ।
त्यस्तै, आज चाँदीको मूल्य पनि घटेको छ । महासंघका अनुसार आज चाँदी प्रतितोला ९० रुपैयाँले घटेको हो ।
हिजो बुधबार ४ हजार ७४० रुपैयाँमा कारोबार भएको चाँदी आज ९० रुपैयाँले घटेर ४ हजार ६५० रुपैयाँमा कारोबार भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया