बिजुलीको तार सार्ने क्रममा करेन्ट लागेर एक मजदुरको मृत्यु  

काठमाडौं । नवलपुरमा करेन्ट लागेर एक मजदुरको मृत्यु छ । गैंडाकोट नगरपालिका-५ कालिकाचोकमा विद्युत् लाइन मर्मतका लागि पोलमा चढेका एक मजदुरको करेन्ट लागेर मृत्यु भएको हो ।

मृत्यु हुनेमा जाजरकोटको भेरी नगरपालिका घर भएका ३३ वर्षीय आर्यनसिंह ठकुरी रहेका छन् । 

पुरानो पोलबाट नयाँ पोलमा बिजुलीको लाइन सार्ने क्रममा विहीबार करेन्ट लागेर उनको मृत्यु भएको जिल्ला प्रहरी कार्यालय नवलपुरले जनाएको छ । 

एक्कासि करेन्ट लागेपछि उनको पोलमै मृत्यु भएको थियो । पोलमा झुण्डिएको अवस्थाको शव प्रहरी समेतको सहयोगमा तल झारिएको थियो ।

यसबारे प्रहरीले अनुसन्धान गरिरहेको छ ।