जनकपुरधाम । जनकपुरधाममा आइतवार बिहान वर्षासँगै आएको हावाहुरीले वितण्डा मच्चाएको छ ।
जनकपुरसहित विभिन्न जिल्लामा आएको हावाहुरीले बिजुलीको पोल ढाल्नुको साथै टहराहरु समेत भत्काएको छ भने ग्रामिण भेगामा बालिनालीसमेतमा क्षति पुर्याएको छ ।
हावाहुरीले एकसय भन्दा बढी बिजुलीको पोल ढालेको विद्युत प्राधिकरण कार्यालय धनुषाले जनाएको छ ।
विद्युत प्राधिकरण जनकपुर वितरण केन्द्र अन्तर्गत ५० वटा बिजुलीको पोलसहित ३ वटा ट्रान्सफर्मरसमेत हावाहुरीले ढालेको प्राधिकरण प्रमुख सूर्यनारायण मण्डलले बताए ।
त्यस्तै वितरण केन्द्र सखुवा महेन्द्रनगर अन्तर्गत ३५, धनुषाको पूर्वी क्षेत्र युदुकोहा वितरण केन्द्र अन्तर्गत २५ बिजुलीको पोल हावाहुरीले ढालेको प्रमुख राजकुमार रमणले जानकारी दिए ।
साथै यदुकोहा वितरण केन्द्रका अनुसार मुजेलियाबाट जडान भएको ३३ केभी विद्यत प्रशारण लाइनमाथि तीनवटा रुख समेत ढलेको प्रमुख रमणले बताए ।
तर, हावाहुरीले मानवीय क्षति भएको छैन ।
यो खबर पढेर तपाईलाई कस्तो महसुस भयो ?
प्रतिक्रिया