आगामी तीन दिनको मौसम : तराई–मधेशमा हावाहुरीसहित वर्षाको सम्भावना

काठमाडौं । देशको पूर्वी तथा मध्य भू–भागलगायत पश्चिमका पहाडी भू–भागमा आगामी तीन दिन मेघ गर्जनसहित वर्षाको सम्भावना रहेको मौसम पूर्वानुमान महाशाखाले जनाएको छ ।  

देशको पूर्वी तथा मध्य भू–भागका केहि स्थानमा र पश्चिमी भू–भागका स्थानमा मेघ गर्जनसहित हल्का वर्षाको सम्भावना रहेको महाशाखाले जनाएको हो । 

त्यस्तै पहाडी क्षेत्रमा आंशिकदेखि सामान्य बदली रहने र बाँकी भू–भागमा आंशिक बदली रहनेछ । साथै पहाडी भू–भागका केहि स्थानमा मेघ गर्जन सहित हल्का वर्षाको सम्भावना छ ।

आइतवार देशको पूर्वी तथा मध्य भू–भागलगायत पश्चिमका पहाडी भू–भागमा आंशिकदेखि सामान्य बदली र बाँकि भू–भागमा आंशिक बदली रहनेछ । देशको पूर्वी तथा मध्य भू–भागका केहि स्थानमा र पश्चिमी भू–भागका स्थानहरुमा मेघ गर्जनसहित वर्षाको सम्भावना रहेको महाशाखाले जानकारी दिएको छ । साथै पूर्वी र मध्य तराईका केहि स्थानहरुमा हावाहुरीको  सम्भावना पनि छ ।

सोमवार पनि देश भरको मौसममा बदलीसहित वर्षाको सम्भावना रहेको छ । 

देशको पूर्वी तथा मध्य भू–भागलगायत पश्चिमका पहाडी भू–भागमा आंशिकदेखि सामान्य बदली र बाँकि क्षेत्रमा आंशिक बदली रहनुको साथै देशको पूर्वी तथा मध्य भू–भागका केहि स्थानमा र पश्चिमी भू–भागका केही स्थानमा मेघ गर्जनसहित वर्षाको सम्भावना छ ।