काठमाडौं– सर्लाही, बझाङ, सिन्धुपाल्चोक, रुपन्देही, रोल्पा र अर्घाखाँचीमा ६ जना मृत अवस्थामा फेला परेका छन् ।
सर्लाहीको चक्करघट्टा गाउँपालिका ७ पटेर्वा बस्ने २१ वर्षिया रिन्कुकुमारी यादव घरमै सुतिरहेको अवस्थामा शुक्रबार दिउसो मृत अवस्थामा फेला परेकी छिन् ।
रिन्कुकुमारीको कोठामा तलासी गर्द १ थान कटुवा पेस्तोल फेला परेकाले उनको २२ वर्षीय श्रीमान विवेककुमार यादवलाई नियन्त्रणमा लिई यस सम्बन्धमा प्रहरीले थप अनुसन्धान गरिरहेको छ ।
बझाङको बुङ्गल नगरपालिका ७ कोटिला बस्ने ६१ वर्षीय पुने बोहरा सोही ठाउँस्थित तोलिचौरमा शुक्रबार राति मृत अवस्थामा फेला परेका छन् ।
यस्तै सिन्धुपाल्चोकको हेलम्बु गाउँपालिका ५ स्थित मरामची बाघपाईला भिरमा हाल नाम, थर, वतन नखुलेका करिब २५ वर्षीय पुरुष ५ सय मिटर तल खसी मृत अवस्थामा फेला परेका छन् ।
यस्तै रुपन्देहीको बुटवल उपमहानगरपालिका १८ रानिगंजमा सैनामैना नगरपालिका ४ मुर्गिया बस्ने ३० वर्षिय राज थारु शनिबार बिहान मृत अवस्थामा फेला परेका छन् ।
रोल्पाको गंगादेब गाँउपालिक ५ लेकझाक्रीसल्लामा सोही ठाउँ बस्ने ४० वर्षीय देबराज परियार पनि शनिबार बिहान मृत अवस्थामा फेला परेका छन् ।
अर्घाखाँचीको सन्धिखर्क नगरपालिका ३ छापडाँडा बस्ने ४२ वर्षिया उजेली कुमाल शुक्रबार राति खाना खाई सुतेकोमा शनिबार बिहान मृत अवस्थामा फेला परेकी छिन् ।
यबै घटनाका सम्बन्धमा स्थानीय प्रहरीले थप अनुसन्धान गरिरहेको नेपाल प्रहरीको केन्द्रीय समाचार कक्षले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया