Sunday 22 November 2026
आइतबार ६ मंसिर २०८३

एसईई परीक्षाफल: १६ हजारले ‘ए प्लस’ ल्याए

बिप्लव जमकटेल १२ असार २०७६, बिहिबार १६:४४
एसईई परीक्षाफल:  १६ हजारले ‘ए प्लस’ ल्याए
शेयर गर्नुहोस् Facebook

काठमाडौं । राष्ट्रिय परीक्षा बोर्डले एसईईको परीक्षाफल सार्वजनिक गरेको छ ।

राष्ट्रिय परीक्षा बोर्ड, कक्षा १० का परीक्षा बोर्डले बिहीबार पत्रकार सम्मेलन गरेर परीक्षाफल सार्वजनिक गरेकाे हाे । परीक्षामा चार लाख ७५ हजार तीन परीक्षार्थी सहभागी थिए ।

जसमध्ये १६ हजार ८२ ले ए प्लस ल्याएका छन् । नतिजाअनुसार ए प्लस ल्याउनेमा नौ हजार ५९६ छात्र र सात हजार २८६ छात्रा छन्।

यस्तै, ४८ हजार ९६८ ले ए जीपीए ल्याएका छन्। जसमा २७ हजार २७९ छात्र र २१ हजार ६८१ छात्रा रहेको राष्ट्रिय परीक्षा बोर्डले जनाएको छ। यस्तै, ७४ हजार ११० ले बी जीपीए ल्याए। जसमा ३९ हजार ९५ छात्र र ३५ हजार ५० छात्रा छन्।

यसैगरी सी प्लस ल्याउनेमा छात्र ४५७८९ र छात्रा ५१ हजार ५१०, सी ग्रेड ल्याउन छात्र ४२ हजार ८८३ जना छात्रा ५२३२६ जना रहेका छन् । यसैगरी डी प्लस ल्याउनेमा छात्रमा १९१३३ र छात्रा २४ हजार ७०७ जना रहेका छन् । यसैगरी डी छात्र १ हजार ८६६ र छात्रा २ हजार ५६३, ई ग्रेड ल्याउनेमा छात्र ४ हजार २२५ छात्रा ३९८२ रहेका छन् ।

नतिजाका लागि नेपाल टेलिकमका ग्राहकले १६०० मा डायल गरी प्राप्त निर्देशन अनुसार जानकारी लिन सक्नेछन् |

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।