बालेन सरकार प्रतिशोध र पूर्वाग्रहको बाटोमा तर्फ लाग्यो : कमल थापा

काठमाडौं । राष्ट्रिय प्रजातन्त्र पार्टी (राप्रपा) का नेता कमल थापाले बालेन सरकारको कार्यशैलीलाई प्रतिशोध र पूर्वाग्रहपूर्ण भएको भन्दै आलोचना गरेका छन् ।

थापाले नेकपा एमालेका अध्यक्ष केपी शर्मा ओली र नेपाली कांग्रेसका नेता रमेश लेखक पक्राउ परेपछि सामाजिक सञ्जाल ‘एक्स’ मार्फत् आफ्नो टिप्पणी सार्वजनिक गरेका हुन् ।

उनले लेखेका छन्, ‘सुशासन र आर्थिक समृद्धिको लक्ष्यसहित गठन भएको बालेन सरकार निषेध, प्रतिशोध र पूर्वाग्रहको बाटोमा लागेको देखिन्छ। वर्तमान समयमा द्वन्द्व र मुठभेड कसैको प्राथमिकता हुनु हुँदैन ।’

पूर्वमन्त्री थापाले सुशासन र समृद्धिका लागि कानुनी राज्यको पालना, आपसी मेलमिलाप र एकता नै पहिलो सर्त भएको पनि स्मरण गराएका छन् ।