काठमाडौं। सरकारको समन्वयमा नेपाल वायुसेवा निगमले पश्चिम एसियाका विभिन्न देशमा अलपत्र परेका नेपालीलाई विशेष उद्धार उडानमार्फत क्रमशः स्वदेश ल्याउन थालेको छ ।
निगमका प्रवक्ता देवेन्द्र पुनका अनुसार बिहीबार सञ्चालन गरिएको विशेष उद्धार उडानमार्फत दुबई विमानस्थलमा अलपत्र परेका २७२ जना नेपालीलाई स्वदेश ल्याइएको हो ।
उक्त विमानले काठमाडौंबाट २६० जना यात्रुलाई दुबईसम्म पुर्याएको थियो ।
प्रवक्ता पुनका अनुसार आज पनि काठमाडौंबाट २६७ जना यात्रु लिएर निगमको विमान दुबई प्रस्थान गर्नेछ र त्यहाँबाट १६४ जना नेपालीलाई स्वदेश ल्याइने तयारी गरिएको छ ।
पश्चिम एसियाको आकाशमा फागुन १६ गतेदेखि उडान निषेध भएपछि उद्धार उडान सुरु गरिएको हो ।
संयुक्त राज्य अमेरिका र इजरायल ले संयुक्त रूपमा इरान मा हवाई आक्रमण गरेपछि पश्चिम एसियाका केही मुलुकमा उडान सेवा अवरुद्ध भएको हो ।
यो खबर पढेर तपाईलाई कस्तो महसुस भयो ?
प्रतिक्रिया