सुनको मूल्य निरन्तर ओरालो : आज १३ हजार ४ सय रुपैयाँले घट्यो 

काठमाडौं । बहुमूल्य पहेँलो धातु सुनको मूल्य घट्नेक्रम जारी छ । आज सोमबार पनि सुनको भाउ तोलामा १३ हजार ४ रुपैयाँले घटेको छ । 

नेपाल सुनचाँदी व्यवसायी महासंघका अनुसार, आज सोमबार नेपाली बजारमा सुनको मूल्य प्रतितोला २ लाख ८६ हजार ६ सय रुपैयाँ तोकिएको छ । हिजो आइतबार तोलामा ३ लाख रुपैयाँ थियो । 

यस्तै, गत बिहीबार सुनको मूल्य तोलामा ३ लाख ३९ हजार ३ सय रुपैयाँसम्म पुगेको थियो । जुन मूल्य हालसम्मकै उच्च हो । 

यसैगरी चाँदीको मूल्य पनि घटेको छ । आइतबार तोलामा ५ हजार ५ सय रुपैयाँ कायम भएको चाँदीको मूल्य सोमबार घटेर ५ हजार २ सय रुपैयाँ कायम भएको महासंघले जनाएको छ ।