देउवालाई गगनले भने : ‘अभिभावक भएर बस्नुस्, जिम्मेवारी हामी बोक्छौँ’

काठमाडौं । नेपाली कांग्रेसका महामन्त्री गगन थापाले सभापति शेरबहादुर देउवालाई राजीनामा दिन सुझाव दिएका छन् ।

विशेष महाधिवेशनको उद्घाटन समारोहमा सम्बोधन गर्दै उनले पार्टीलाई समयको मागअनुसार मार्ग प्रशस्त गर्न आग्रह गरेका हुन् ।

उनले भने, ‘यहाँ आएकाहरू तपाईँलाई माया नगर्ने होइनन्, तपाईँलाई माया गर्ने हुन् । तपाईँप्रतिको सम्मान घट्न नदिन दाइ छाडिदिनुस् । अभिभावक भएर बस्नुस् याे काँध त्यो जिम्मेवारी बोक्न तयार छ । जसले घुमिघुमी बोलाइरहेका छन्, ती तपाईँलाई माया गर्ने होइनन् ।’