काठमाडौं । नेपाली कांग्रेसको वर्तमान केन्द्रीय समितिको म्याद आगामी ०८३ साल जेठ मसान्तसम्म थप गरिएको छ ।
आज बसेको केन्द्रीय कार्यसम्पादन समितिको बैठकले जेठ अन्तिमसम्म सभापति शेरबहादुर देउवा नेतृत्वको कार्यसमितिको म्याद थप गर्ने निर्णय गरेको हो ।
बैठकपछि बोल्दै कांग्रेस प्रवक्ता डा. प्रकाशशरण महतले म्याद थप गरिएको जानकारी दिए ।
त्यसो त यसअघि उक्त कार्यसमितिको म्याद आगामी माघ अन्तिमसम्म थप गरिएको थियो ।
‘यसअघि वर्तमान केन्द्रीय कार्यसमितिको म्याद माघ मसान्तसम्म थपिएको थियो,’ उनले भने, ‘जेठ मसान्त केन्द्रीय कार्यसमितिको म्याद थपिएको छ । तल्लो तहको कार्यसमितिको म्याद पनि विधानको व्यवस्था अनुसार थपिएको छ ।’
त्यस्तै आजको बैठकले कांग्रेसको १५औँ महाधिवेशन आगामी वैशाख २८,२९, ३० र ३१ गतेसम्म थप गर्ने निर्णय गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया