काठमाडौं । राष्ट्रिय स्वतन्त्र पार्टी र उज्यालो नेपाल पार्टीबिच ७ बुँदे सहमति भएको छ ।
सोमबार अबेर दुई पार्टीबिच सहमति भएको हो ।
उक्त सहमतिपत्रमा रास्वपाका तर्फ सभापति रवि लामिछानेले हस्ताक्षर गरेका छन् भने उज्यालो पार्टीबाट अध्यक्ष अनुपकुमार उपाध्यायले हस्ताक्षर गरेका हुन् । यता केही दिनअघि मात्रै रास्वपासँग मिल्न गएका काठमाडौं महानगरपालिकाका मेयर बालेन्द्र शाह (बालेन) लाई साक्षी राखिएको छ ।
सहमति अनुसार रविपछिको दोस्रो वरियतामा बालेन रहनेछन् भने उज्यालो पार्टीका संरक्षक रहेका कुलमान घिसिङलाई उपसभापति बनाउने निर्णय भएको छ । सहमति अनुसार रास्वपामा तीन उपसभापति रहनेछन् । कुलमान पहिलो वरियतामा रहँदा वर्तमान सभापतिद्वय डोलप्रसाद अर्याल र डा. स्वर्णीम वाग्ले रहनेछन् । यता पार्टीको नेतृत्व भने रविले नै गर्नेछन् ।
त्यस्तै पार्टीको नाम रास्वपा र चुनाव चिह्न घण्टी नै रहने समेतको सहमति भएको सहमति पत्रमा उल्लेख गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया