काठमाडौं । भदौ २३ र २४ को जेनजी आन्दोलन हुँदा गृहमन्त्री रहेका नेपाली कांग्रेसका नेता रमेश लेखकले बयान दिँदैछन् ।
आज सिंहदरबारमा पुगेर जाँचबुझ आयोगमा बयान दिने भएका हुन् । तत्कालीन समयमा गृहमन्त्री रहेका कारण नैतिक जिम्मेवारी लिँदै बयान दिन जान तयार भएका हुन् ।
आज मध्यान्न १२ बजे सिंहदरबार पुगेर बयान दिन जाने लेखकको सचिवालयले जनाएको छ ।
त्यस्तै लगत्तै उनले पत्रकार सम्मेलन गरेर आफ्नो धारणा समेत सार्वजनिक गर्नेछन् । सिंहदरबारस्थित नेपाली कांग्रेसको संसदीय दलको कार्यालयमा पत्रकार सम्मेलन गर्न लागेका हुन् ।
त्यसो त लेखक बयान नदिने मनस्थितिमा रहेका थिए, तर पार्टीका नेताहरुले बयान दिन जान सुझाव दिएपछि लेखक बयान दिन जान तयार भएका छन् ।
यता तत्कालीन प्रधानमन्त्रीको हैसियतमा केपी शर्मा ओली भने बयान दिन नजाने मनस्थितिमा रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया