पोखरा एभेन्जर्सले लुम्बिनी लायन्सलाई दियो १५१ रनको लक्ष्य 

काठमाडौं । नेपाल प्रिमियर लिग (एनपीएल) सिजन-२ अन्तर्गत पोखरा एभेन्जर्सले लुम्बिनी लायन्सलाई १५१ रनको लक्ष्य प्रस्तुत गरेको छ ।

टीयु क्रिकेट मैदानमा टस हारेर ब्याटिङ गरेको पोखराले निर्धारित २० ओभरमा ५ विकेट गुमाएर १५० रन बनाएको हो । पोखराका ओपनर एडम वासिङटनले ६३ बलमा ८१ रन बनाएका थिए भने जिम्मी निशमले ३२ बलमा ५१ रनमा अविजित रहे ।

पोखराका अन्य ब्याट्सम्यानमध्ये दिनेश खरेल ७, कप्तान कुशल भुर्तेल ०, सुमित वर्मा ०, तिर्थ दास १ रनमा आउट भए । किरणकुमार ठगुन्ना एक रनमा अविजित रहे ।

लुम्बिनीका लागि शेर मल्ल र तिलक भण्डारीले दुई–दुई विकेट लिए भने गुल्ददिन नाइवले एक विकेट लिए।