काठमाडौं । पतञ्जली जग्गा प्रकरणमा मुछिएका पूर्व भूमिसुधार सचिव छविराज पन्त ५ लाख धरौटीमा रिहा भएका छन् ।
विशेष अदालतका न्यायाधीश तेजनारायणसिंह राई र मुरारीबाबु श्रेष्ठको इजलासले मंगलबार पन्तलाई पाँच लाख धरौटीमा छोड्न आदेश दिएको हो ।
मंगलबार पन्त अदालतमा हाजिर भएपछि बयान र थुनछेक बहसपछि धरौटीमा छाड्ने आदेश आएको हो ।
पतञ्जली जग्गा प्रकरणमा पन्तसहित पूर्वप्रधानमन्त्री माधवकुमार नेपालसहित ९३ जनाविरुद्ध मुद्दा दायर भएको थियो ।
अख्तियार दुरुपयोग अनुसन्धान आयोगले एकैपटक ९३ जनाविरुद्ध मुद्दा दायर गरेको थियो ।
माधव नेपाल प्रधानमन्त्री रहेका बेला २०६६ माघ १८ मा मन्त्रिपरिषद् बैठकले ८१५ रोपनी जग्गा हदबन्दी छुटमा खरिद गर्न पतञ्जलीलाई स्वीकृति दिएको थियो । लामो समयपछि अख्तियारले पूर्वप्रधानमन्त्रीसहितका व्यक्तिहरुविरुद्ध मुद्दा दायर गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया