काठमाडौं । काठमाडौं महानगरले नगर प्रहरी परिचालन गरी कवाडी व्यवसायीलाई धरपकड गरेको भन्दै गृहमन्त्री रमेश लेखकलाई ज्ञापनपत्र बुझाएका छन् ।
समाजका अध्यक्ष रामकेवल गुप्ताको नेतृत्वमा गएको टोलीले शनिबार गृहमन्त्रीसमक्ष ज्ञापन पत्र बुझाउँदै महानगरको ज्यादती तत्काल रोक्न माग गरेका हुन् ।
उनीहरूले आफूहरू कानुनी प्रक्रिया अनुसार व्यवसाय गरिरहेको र कर तिरेको जनाउँदै महानगरले गुण्डागर्दी शैलीमा आक्रमण गरिरहेको आरोप लगाएका छन् ।
ज्ञापनपत्रमा कुटपिट, संरचना भत्काउने, सामग्री जफतजस्ता कार्यविरुद्ध सरकार, गृहमन्त्रालय र मानवअधिकार आयोगको ध्यानाकर्षण गराइएको छ ।
यो खबर पढेर तपाईलाई कस्तो महसुस भयो ?
प्रतिक्रिया