श्रीमतीद्धारा श्रीमानको हत्या

बुटवल । बुटवलको मैनाबगरमा भएको भारतीय नागरिक फिरोज खानको हत्यामा श्रीमतीको  संलग्नता रहेको खुलेको छ ।

मैनाबगरको एक मोटर पार्टस वर्कसपमा काम गर्ने ४३ वर्षका खानको हत्यामा ३० वर्षकी श्रीमती साइना खातुन र खातुनका भिनाजु भारतीय नागरिक कादिर अन्सारीको संलग्नता रहेको प्रहरीले जनाएको छ । 

खानको हत्यामा कटुवा पेस्तोल प्रयोग भएको खुलेको थियो । खानको हत्या गरेर अन्सारी भारततिरै भागेको प्रहरीले बताएको छ ।

अन्सारी र खातुन विगत केही वर्षदेखि सम्बन्धमा थिए ।  अन्सारीकी श्रीमतीको एक वर्षअघि मृत्यु भएपछि खातुनसंग उनको भेटघाट बाक्लिएको प्रहरीको भनाई छ ।