काठमाडौं । बिहीबार भएको राष्ट्रपति निर्वाचनमा नेपाली कांग्रेसका वरिष्ठ नेता रामचन्द्र पौडेल निर्वाचित भएका छन् ।
त्यससँगै पौडेलको निर्वाचन क्षेत्र तनहुँ क्षेत्र नं १ मा उपनिर्वाचन हुने भएको छ ।
पौडेल २०४८ पछि २०७४ साल बाहेक सबै निर्वाचितमा निर्वाचित भएका थिए । उनी राष्ट्रपतिमा निर्वाचित भएसँगै उनको निर्वाचन क्षेत्र खाली भएको र सो क्षेत्रमा उपनिर्वाचन हुने भएको हो ।
उनी गणतन्त्र नेपालका तेस्रो राष्ट्रपति भएका हुन् ।
पौडेल ३३ हजार ८०२ मतभारसहित निर्वाचित भएका हुन् । उनले २१४ जना संघीय सांसद र ३५२ जना प्रदेश सांसदको मत पाएका छन् ।
नवनिर्वाचित पौडेललाई उनको दल नेपाली कांग्रेस, माओवादी केन्द्र, एकीकृत समाजवादी, राष्ट्रिय स्वतन्त्र पार्टी, जनता समाजवादी पार्टी, जनमत पार्टी, नागरिक उन्मुक्ति पार्टी, लोकतान्त्रिक समाजवादी पार्टी, राष्ट्रिय जनमोर्चा लगायत दल र स्वतन्त्र सांसदको समेत समर्थन रहेको थियो ।
यता नेकपा एमालेबाट सुवासचन्द्र नेम्वाङ राष्ट्रपतिको उम्मेदवार बनेका थिए ।
कुल ८८२ मतदातामध्ये ८३१ मतदाताले निर्वाचनमा भाग लिएका छन्। ३३२ संघीय संसदका सदस्यहरुमध्ये ३१३ जना र ५५० प्रदेश सभा सदस्यहरुमध्ये ५१८ जनाले मतदान गरेका हुन्।
यो खबर पढेर तपाईलाई कस्तो महसुस भयो ?
प्रतिक्रिया