काठमाडौं । प्रतिनिधि सभाको उपसभामुख चयनका लागि आज उम्मेदवारी दर्ता हुँदैछ । प्रतिनिधि सभाले बिहीबार सभामुख पाएसँगै आजबाट उपसमाभुखको निर्वाचन प्रक्रिया शुरु गरिएको हो ।
संघीय संसद सचिवालयले सार्वजनिक गरेको कार्यतालिका अनुसार शुक्रबार (माघ ६ गते) उम्मेदवारहरुको मनोनयन दर्ता गर्ने कार्यक्रम छ । उम्मेदवारी मनोनयन दर्ताका लागि दिउँसो १ बजेदेखि अपराह्न ४ बजेसम्मका लागि तोकिएको छ ।
यस्तै, शुक्रबार नै अपराह्न ४ः१५ बजे उम्मेदवारहरुको अन्तिम नामावली प्रकाशन गरिने छ । उपसभामुख चयनका लागि पुस ७ गते (शनिबार) को प्रतिनिधि सभा बैठकमा मत विभाजन लगायतको प्रक्रिया हुनेछ । सत्तागठबन्धनमा उपसभामुख राष्ट्रिय स्वतन्त्र पार्टीलाई दिने समझदारी छ ।
यस्तै, सरकार बाहिर रहेको प्रतिपक्षी दल नेपाली कांग्रेससहितको ‘गठबन्धन’ बाट पनि उपसभामुख पदमा उम्मेदवारी दिने तयारी गरिएको छ । यसबारे पार्टीले आज थप निर्णय लिने बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया