छोराले बुबा र ठूलो बुबामाथि काठको खन्ती प्रहार गरेपछि…..

कैलाली । कैलालीको लम्कीमा छोराले बुबा र ठूलो बुबाको हत्या गरेका छन् ।

लम्की–चुहा नगरपालिका–४ बलिया गाउँमा जहरीलाल चौधरीले बुबा चक्र थारु र ठूलो बुबा पल्टु थारुको हत्या गरेका हुन् । 

ईलाका प्रहरी कार्यालय लम्कीकाअनुसार अहिले चौधरीलाई प्रहरीले नियन्त्रणमा लिएको छ । 

छोराको आक्रमणबाट आमा देवी चौधरी घाइते भएकी छिन् । उनको टाउको र बाँया कानमा चोट लागेको छ । उनको लालरत्न अस्पताल लम्कीमा उपचार भइरहेको प्रहरीले जनाएको छ । 

आफूलाई जानकारी नदिई श्रीमतीलाई किन माइती पठाएको भन्दै काठको खन्तीले बुबा, ठूलो बुबा र आमालाई ढोका थुनेर आक्रमण गरेको जहरीलालले प्रहरीलाई बयान दिएको छ ।