Sunday 22 November 2026
आइतबार ६ मंसिर २०८३

गगनलाई संसदीय दलको नेतामा प्रदीप पौडेलको पनि साथ

लोकपथ ५ पुस २०७९, मंगलबार १४:४१
गगनलाई संसदीय दलको नेतामा प्रदीप पौडेलको पनि साथ
शेयर गर्नुहोस् Facebook

काठमाडौं । नेपाली कांग्रेसको संसदीय दलको नेतामा गगन थापालाई प्रदीप पौडेले पनि समर्थन गर्ने भएका छन् ।

कांग्रेसको १४ औँ महाधिवेशनमा शेरबहादुर देउवा समूहबाट महामन्त्री उठेका पौडेलले अन्ततः संसदीय दलको नेतामा भने गगनलाई समर्थन गर्ने भएका हुन् ।

संस्थापनइतर समूहबाट नेता डा. शेखर कोइराला र थापा संसदीय दल नेताका लागि उम्मेदवार हुन खोजेपछि एक जना मात्रै उम्मेदवार उठाउन केही दिनदेखि संस्थापनइतर समूहको छलफल हुँदै आएको थियो । अन्ततः काेइरालाले महामन्त्री थापालाई संसदीय दलकाे नेतामा प्रस्ताव गरिसकेका छन् ।

अर्का महामन्त्री विश्वप्रकाश शर्माले पनि संसदीय दल नेताको उम्मेदवारका लागि गगन थापालाई समर्थन गर्ने घोषणा गरिसकेका छन् । अब संसदीय दल नेताका लागि देउवा र महामन्त्री थापाबीच प्रतिस्पर्धा हुने देखिएको छ ।

 

 

यो खबर पढेर तपाईंलाई कस्तो महसुस भयो ?

प्रतिक्रिया

प्रतिक्रिया सम्पादकले हेरेपछि मात्र देखिन्छ। गालीगलौज, घृणा र link राखिएका प्रतिक्रिया प्रकाशित हुँदैनन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईं दिनुहोस्।