सम्बन्धविच्छेदका मुद्दा दर्ता गराउनेमा महिलाभन्दा पुरुष बढी

दाङ । भदौ १ गतेदेखि देवानी तथा फौज्दारी संहिता लागू भए यता सम्बन्धविच्छेदको मुद्दा दर्ता गराउनेमा पुरुषको संख्यामा वृद्धि भएको छ । 

दाङ जिल्ला अदालतको साढे दुई महीनाको तथ्याङकमा हेर्दा सम्बन्ध विच्छेदको मुद्दा दर्ता गर्नेमा महिलाभन्दा पुरुषको सख्या दोबर देखिएको हो । 

अदालतका श्रेस्तेदार चुडामणि रेग्मीका अनुसार उक्त अवधिमा ६१ पुरुष र ५७ महिलाले सम्बन्धविच्ेदको मुद्दा दर्ता गराएका छन् । 

यसअघि उक्त अदालतमा ११७ सम्बन्ध विच्छेदका मुद्दा परेकामा ४६ मुद्दा फैसला भइसकेको थियो । उक्त संहिताबमोजिम पुरुषले पनि सिधैँ अदालतमा सम्बन्ध विच्छेदको मुद्दा दर्ता गर्न पाउने भएकाले पुरुषको संख्या बढ्न थालेको उक्त अदालतका मुख्य न्यायाधीश हेमन्त रावलले जानकारी दिए । 

सम्बन्ध विच्छेदका मुद्दा बढ्नुमा पारिवारिक असमझदारी, वैदेशिक रोजगार, हतारको निर्णय, स्वतन्त्र रहन चाहनु नै रहेको उनले बताए ।