सिटिजन्स बैंकको थप तीन शाखा सञ्चालनमा

काडमाडौं । सिटिजन्स बैंक इन्टरनेसनल लिमिटेडले शाखा विस्तार गर्ने क्रममा थपम ३ वटा शाखा सञ्चालनमा ल्याएको छ ।

बैंकले १७८औँ, १७९औँ तथा १८०औँ शाखा भक्तपुरको सूर्यविनायक, काठमाडौंको धुम्बाराही र ललितपुरको थसिखेल गरी थप तीन वटा शाखाहरु सञ्चालनमा ल्याएको हो ।

यससँगै काठमाडौं उपत्यकाभित्र यस बैंकको ३५ वटा शाखाहरु र बाग्मती प्रदेशमा ४९ वटा शाखाहरु संचालनमा रहेका छन् । बैंकका प्रमुख कार्यकारी अधिकृत गणेशराज पोखरेले प्रुडेन्ट बैंकिङ र सुशासनमा कुनै सम्झौंता नगरी काम गर्न सम्पूणर् कर्मचारीहरुलाई बैंकमा आयोजित नयाँ शाखाहरु आरम्भ समारोहमा बताए ।

सुविधा सम्पन्न यस शाखाहरुमार्फत ग्राहकहरुको वित्तीय आवश्यकता पुरा गर्न आवश्यक सम्पूणर् रिटेल बैकिंग सेवा प्रदान गर्नुका साथै साना तथा कर्पोरट व्यवसायीहरुमाझ वित्तीय पहुँच पुर्याउने लक्ष्य बैंकले राखेको छ ।

सुविधाजनक बचत खाता योजना, मुद्दती निक्षेप योजना, लकर सेवा, ए.टि.एम.सेवा, घर तथा सवारी कर्जा, साना व्यवसायी कर्जा, लगायतका वित्तीय सेवाहरु छिटो, छरितो, चुस्त र दुरुस्त रूपमा ग्राहकहरुलाई प्रदान गर्ने प्रतिबद्धता बैंकले जनाएको छ ।

आफ्ना ग्राहकहरुको वित्तीय आवश्यकताहरु सुरक्षित तवरले प्रदान गर्र्दे आएको बैंकले आर्थिक बर्ष २०७८/७९ को चौथो त्रैमासिक सम्ममा दुई अर्ब २५ करोड खुद नाफा गर्न सफल भएको छ । यसै अवधिमा एक खर्ब ५५ अर्ब निक्षेप संकलन गरी एक खर्ब ३६ अर्ब कर्जा प्रबाह गरेको छ । त्यसै गरि कर्जा निक्षेप अनुपातका साथ अन्य वित्तीय परिसूचकहरु पनि नियमक निकायले तोकेको सीमा भित्रै कायम गरेको छ ।