काठमाडौं । प्लानिङ ब्वाइज युनाइेटेड सहिद स्मारक ‘बी’ डिभिजन लिगमा बढुवा भएको छ । शुक्रबार सातदोबाटो स्थित एन्फा मुख्यालयमा भएको अन्तिम खेलमा ओसिस क्लबलाई ५-० ले पराजित गर्दै सी डिभिजनको उपविजेताको रुपमा प्लानिङ दोस्रो डिभिजनमा बढुवा भएको हो ।
यसअघि एक खेल अघिनै झापा फुटबल क्लब विजेताको रुपमा बढुवा भएको थियो । झापाले आज अन्तिम खेलमा स्वयम्भू क्लबको सामना गर्दैछ ।
अन्तिम खेलमा प्लानिङको जितमा फागुराम थारुले ह्याट्रिक गरे । यस्तै, अर्जुनकुमार राना र ओमप्रकाश चौधरीले एक एक गोल गरे ।
सन् २०१० बाट सी डिभिजनमा लिग खेल्न थालेको प्लानिङ १२ वर्षपछि बी डिभिजनमा बढुवा भएको हो ।
क्लबका अध्यक्ष दावा लामाले १२ वर्षपछि क्लब बी डिभिजन लिगमा बढुवा भएकोमा खुसी हुँदै अवको लक्ष्य शीर्ष डिभिजन लिग भएको बताए ।
‘बी डिभिजन लिगमा बढुवा हुँदा निकै खुशी छु । हामीलाई सहयोग गर्ने सहयोगी दाता, खेलाडी र अफिसियल सबैलाई धन्यवाद । अब, हाम्रो लक्ष्य शीर्ष डिभिजनमा पुग्ने हो । त्यसैको लागि आगामी सिजन तयारी गछौं ,’ एन्फा केन्द्रीय सदस्य समेत रहेका दावाले भने ।’
यो खबर पढेर तपाईलाई कस्तो महसुस भयो ?
प्रतिक्रिया