मुसिकोट नगरपालिकाको मेयर र उपमेयर दुवै पदमा एमाले निर्वाचित

गुल्मी । गुल्मीको मुसिकोट नगरपालिकाको मेयर र उपमेयरमा नेकपा एमालेले जितेको छ ।

मेयरमा जीवलाल खरेलले ७ हजार ३९९ मत ल्याइ विजयी भएका छन् । उनका निकटतम प्रतिद्वन्दी नेपाली कांग्रेसका हरिनारायण सापकोटाले ६ हजार ६ सय ६ मत ल्याएका थिए ।

त्यस्तै, उपमेयरमा गंगा श्रेष्ठले ७ हजार ११ मत ल्याएर निर्वाचित भएका हुन् । उनका निकटतम प्रतिद्वन्दी नेकपा एकीकृत सामाजवादीका श्रीराम महतले ६ हजार ३२३ मत ल्याएर पराजित भएका थिए ।