पाकिस्तानी प्रधानमन्त्री खानविरुद्धको अविश्वास प्रस्ताव खारेज

काठमाडौं । पाकिस्तानमा प्रधानमन्त्री इमरान खानविरूद्ध दर्ता भएको अविश्वास प्रस्ताव खारेज भएको छ ।

पाकिस्तानी संसदका उपसभामुख कासिम खान सुरीले खानविरुद्धको अविश्वासको प्रस्ताव खारेज गरिदिएका हुन् ।

आइतबार बसेको नेसनल एसेम्ब्लीको बैठकमा उपसभामुख सुरीले प्रधानमन्त्री खानविरूद्धको अविश्वास प्रस्ताव असंवैधानिक भन्दै खारेज गरिदिएको जनाइएको छ ।

त्यसैगरी अविश्वास प्रस्ताव राखेज भएसँगै संसद बैठक पनि स्थगित गरिएको छ।

३४२ सदस्यीय संसदमा बहुमतका लागि १७२ सिट आवश्यक हुन्छ। सत्तारूढ गठबन्धनका केही दल र उनकै पार्टीका सांसदहरूले साथ नदिने भएपछि खान अल्पमतमा परेको बताइन्छ।