१. आगामी स्थानीय तहको निर्वाचनमा पाँच दललाई एउटै खुट्टाले कुल्चने नेकपा एमालेका अध्यक्ष केपी शर्मा ओलीको भनाइ, जनताको बीचमा एमालेलाई कसैले पनि ढाल्न नसक्ने दाबी ।
२. नेकपा माओवादी केन्द्र गठबन्धनको भरमा नभई आफ्नै खुट्टामा उभिने अध्यक्ष प्रचण्डको भनाइ, माओवादी केन्द्र निर्वाचनपछि १ नम्बर पार्टी हुने सम्भावना बढेको प्रतिक्रिया ।
३. नेपाली कांग्रेसले चैत्र महिनाभित्रै स्थानीय तहको उम्मेदवारी टुङ्गो लगाउने, उम्मेदवारी सर्वसम्मत भएर टुंगियोस् भन्ने केन्द्रको चाहना रहेको प्रवक्ता प्रकाशशरण महतको भनाइ ।
४. नेपाल पञ्चाङ्ग निर्णायक विकास समितिको स्वीकृति नलिई प्रकाशन भएका भित्तेपात्रोको अनुगमन गर्न सरकारी समिति गठन, स्वीकृति नलिई भित्तेपात्रो प्रकाशन गर्नेलाई कारबाही गरिने ।
५. एकीकृत समाजवादीका नेता झलनाथ खनालप्रति नेकपा एमालेका उपाध्यक्ष सुवास नेम्वाङको कटाक्ष, ओलीको मतपेटिका खाली गर्न खनाललाई चुनौती ।
६. एमसीसी राष्ट्रहितका लागि रहेकाले मात्रै संसदमा पेस गरिएको गृहमन्त्री बालकृष्ण खाँणको भनाइ, एमसीसी नितान्त देशमा विद्युतीकरण र बाटो निर्माणका लागि भएकाले देशमा विकास गर्ने दाबी ।
७. ९३ प्रतिशत नेपालीले कोभिडविरुद्धको खोप लगाएको स्वास्थ्य तथा जनसंख्या मन्त्रालयको दाबी, पूर्णमात्रा खोप लगाउनेको संख्या एक करोड ६१ लाख ८४ हजार बढी ।
८. फेसुबक र इन्स्टाग्राममा नेपाली गीत बजेबापत गीतका कलाकार तथा सर्जकले अब रोयल्टी पाउने, रोयल्टी पाउनका लागि सर्जकले रोयल्टी संकलन समाजमा गीत दर्ता गर्नुपर्ने ।
९. राष्ट्रको हितमा रहेको सहयोग जुनसुकै देशले दिए पनि लिनुपर्नेमा नेपाली कांग्रेसका नेता प्रकाशमान सिंहको जोड, एमसीसीको विषयमा फैलिएको नकारात्मक हल्लाको पछि नलाग्न आग्रह ।
१०. सीमा नाका र त्रिभुवन अन्तर्राष्ट्रिय विमानस्थलमा पीसीआर परीक्षण गराउन स्वास्थ्य तथा जनसंख्या मन्त्रालयको निर्देशन, ७२ घन्टाभित्रको नेगेटिभ रिपोर्ट नभएको र कोभिडसँग मिल्दाजुल्दा लक्षण भएका बालबालिकाको पनि पीसीआर परीक्षण अनिवार्य ।
११. पछिल्लो २४ घण्टामा गरिएको ४ हजार ६१ परीक्षणमा थप ३७ जनामा कोरोना संक्रमण फुष्टि, ३ सय ८२ जना संक्रmमणमुत्त, ३ हजार २ सय ४१ जना सक्रिय संत्रमित ।
१२. रुस–युक्रेन युद्धमा अहिलेसम्म ८ सय ४७ युत्रेनी सर्वसाधारण मारिए, २५ लाखभन्दा बढी मानिस युक्रेन छाडेर छिमेकी देशको शरणमा ।
१३. श्रीलंकामा कागज अभाव भएपछि सबै परीक्षा रद्द, लाखौँ विद्यार्थीको भविष्य अन्धकारमा ।
१४. राष्ट्रिय खेलकुद परिषद् (राखेप)को सदस्य सचिव विवादको टुङ्गो आगामी आइतबार लाग्ने, सर्वोच्च अदालतले चैत १३ गते मुद्दाको पूर्ण सुनुवाइ गर्ने ।
१५. र, स्पेनिस ला लिगाअन्तर्गतको फुटबल खेलमा आज राति दुई ठूला क्लब रियल मड्रिड र बार्सिलोना भिड्दै, पछिल्लो ५ खेलमा जित हात पारेको रियल छैटौँ जितको खोजीमा मैदान उत्रँदै ।
यो खबर पढेर तपाईलाई कस्तो महसुस भयो ?
प्रतिक्रिया