प्रदेश २ को स्थायी राजधानी जनकपुरधाम

काठमाडौं । प्रदेश २ को स्थायी राजधानी जनकपुरधाम तोकिएको छ । प्रदेशसभाको आज (सोमबार) बसेको बैठकले दुई तिहाई मतबाट प्रदेशको स्थायी राजधानी जनकपुरधाम तोकेको हो ।

प्रदेशको राजधानी जनकपुर तोक्ने प्रस्तावका सम्बन्धमा प्रदेशसभामा मतदान हुँदा ९९ सांसद सहभागी भएकोमा जनकपुरधाम राजधानी राख्ने पक्षमा ७८ मत परेको थियो ।

स्थायी राजधानीको टुंगो लगाएसँगै प्रदेश सभाको बैठक एक घण्टाको लागि स्थगित भएको छ । प्रदेश सभा सचिवालयका अनुसार आजै प्रदेशको नाम सम्बन्धी प्रस्ताव अगाडि बढाउने तयारी छ ।