नेपाल सरकार र अमेरिकी सहयोग नियोगको संयुक्त पहलमा वि.स.२०१९ सालमा स्थापना भएको बालाजु औद्योगिक क्षेत्र नेपालको औद्योगिक क्षेत्रको आरम्भ बिन्दु हो ।
स्थानीय लगानी, श्रम, सीप तथा कच्चा पदार्थमा आधारित उद्योगलाई प्रोत्साहित तथा औद्योगिक प्रवद्र्धन गर्न ११ वटा औद्योगिक क्षेत्रहरू स्थापना भएको मध्ये देशको राजधानी काठमाडौँमा स्थापना भई सञ्चालित औद्योगिक क्षेत्र हो यो ।
करिव ७ सय रोपनी क्षेत्रफलमा फैलिएको छ, बालाजु औद्योगिक क्षेत्र । जब तपाई यति विशाल परिचय बोकेको बालाजु औद्योगिक क्षेत्रमा जानुहुन्छ । तब तपाईँ नाक खुम्च्याउन थाल्नुहुन्छ ।
फोहोरका डङ्गुर, ढल, पाईपहरु, दुर्गन्धित अनि फोहोर, प्रदुषणले भरिएको, अस्तव्यस्त भद्रगोल हेर्दै कवाडीखाना जस्तो । यी सबै विशेषता बोकेको छ नेपालको पुरानो औद्योगिक क्षेत्र बालाजु औद्योगिक क्षेत्रले ।
अझ अनौठो कुरा त के छ औद्योगिक क्षेत्र अनुत्पादक व्यवसायका लागि भरपुर मात्रामा प्रयोग गरिएको छ । जुन उद्येश्यको लागि बालाजु औद्योगिक क्षेत्र स्थापना भएको हो त्यही उद्देश्यलाई कुल्चेर अनुत्पादक क्षेत्रलाई औद्योगिक क्षेत्रले यसरी स्थान दिएको छ ।
नियामक निकायको रुपमा रहेको औद्योगिक क्षेत्र व्यवस्थापन लिमिटेड र व्यवसायीहरु मनमौजु ढंगले अघि बढिरहेका छन् तर राज्यसंयन्त्र तिनका अगाडि लाचार र निरीह देखिन्छ । लोकपथको लेन्सबाट जे देखियो । (फोटोफिचर)
सरकारले बालाजु औद्योगिक क्षेत्र उद्योग विस्तार गर्नका लागि सञ्चालनमा ल्याएको हो । तर यसको मर्मविपरीत कौडिको भाउमा व्यापारिक घरानालाई जग्गा दिएर केही दलालीले अखडा बनाएका हामीसँग विभिन्न प्रमाणहरु छन् । बालाजु औद्योगिक क्षेत्रमा चलिरहेको सिमित व्यक्तिको मनोमानीको विषयमा लोकपथ डटकम अन्य फलोअप सामाग्री पनि प्रकाशन गर्दै जानेछ ।
यो खबर पढेर तपाईलाई कस्तो महसुस भयो ?
प्रतिक्रिया