काठमाडौं । अमेरिकी राष्ट्रपति जो बाइडेनले अफगानिस्तानको काबुलमा पुन आक्रमण हुनसक्ने चेतावनी दिएका छन् । राष्ट्रपति बाइडेनले शनिबार एक विज्ञप्ति जारी गर्दै २४ देखि ३६ घण्टाभित्र अर्को आक्रमण हुनसक्ने चेतावनी दिएका हुन् ।
अमेरिकाले अबको तीन दिनपछि अफगानिस्तान पूर्णरुपमा छाड्ने बताएको थियो ।
बिहीबार साँझ अफगानिस्तानको राजधानी काबुलस्थित हामिद कारजाई अन्तर्राष्ट्रिय विमानस्थलअगाडि भएको विस्फोटमा चार सैनिकसहित १३ अमेरिकी नागरिकको मृत्यु भएपछि बाइडेनले बदला लिने चेतावनी दिएका थिए । उनले इस्लामिक स्टेटबाट सो आक्रमण भएको भन्दै त्यसको मूल्य चुकाउनुपर्ने चेतावनी दिएका थिए ।
यो चेतावनीसँगै अमेरिकाले अफगानिस्तानमा ड्रोन आक्रमणमा ‘आइएस–के समूहका योजनाकार’ को मृत्यु भएको बताएको छ।
यो खबर पढेर तपाईलाई कस्तो महसुस भयो ?
प्रतिक्रिया