रेड पाण्डाको छालासहित ३ जना पक्राउ

कपिलवस्तु । कपिलवस्तुमा रेड पाण्डाको छालासहित ३ जना पक्राउ परेका छन् । पक्राउ पर्नेहरुमा झापा बिर्तामोड नगरपालिका–५ बस्ने २९ वर्षीय खगेन्द्र पुरी, सोही ठाउँ बस्ने ३२ वर्षीय आशिष जोगी र २६ वर्षीय सौरब राजवंशी रहेका छन्।

वाणगंगा नगरपालिका–४ सिद्धिपुरस्थित बराल होटल रेष्टुरेन्ट एण्ड लजको कोठा नम्बर १०४ बाट २ थान रेड पाण्डाको छाला र १ थान रेड पाण्डाको पुच्छरसहित उनीहरुलाई प्रहरीले पक्राउ गरेको हो ।

उक्त लजमा रेडपाण्डाको छाला कारोबार भइरहेको भन्ने सूचनाको आधारमा लुम्बिनी प्रदेश प्रहरी अनुसन्धान समूह र जिल्ला प्रहरी कार्यालय कपिलवस्तुबाट खटिएको प्रहरीले होटेल तलासी गर्ने क्रममा उक्त छाला र पुच्छर बरामद गरेको थियो । यस सम्बन्धमा थप अनुसन्धान भइरहेको प्रहरीले जनाएको छ ।