सर्वोच्चको फैसलाविरुद्ध ओली समर्थक सडकमा (तस्वीरसहित)

काठमाडौं । सर्वोच्च अदालतले प्रतिनिधिसभा विघटन बदर गरेको एक घण्टा नबित्दै एमाले निकटको युवा संघ सडकमा उत्रेको छ ।

युवा संघका नेता कार्यकर्ता मुखमा कालो मास्क र टाउकोमा रातो कपडा बाँधेर अदालतको विरोधमा सडकमा आएको हो ।

राजधानीको माइतीघरमा भेला भएका युवासंघका नेता कार्यकर्ताले अदालतको फैसलाको विरोध केपी ओलीको पक्षमा नाराबाजी गरेका थिए ।

प्रदर्शनमा “अदालतको सबै फैसला मानिंदैन” भन्दै अहिले चर्को नाराबाजी गरेका छन् ।

माइतीघरमा भेला हुनका लागि एमाले नेता महेश बस्नेतलगायतले सार्वजनिक आह्वानसमेत गरेका थिए ।