काठमाडौं । एक पटक सोच्नुहोस् त ! अन्तरिक्षमा कति मानवनिर्मित वस्तुहरू होलान ? २१ औं सताब्दीसम्म आइपुग्दा संसारका विभिन्न देशहरुले बनाएका विभिन्न मानवनिर्मित यान्त्रहरु अन्तरिक्षमा छरपस्ट छन् ।
अन्तरिक्षमा पठाइएका यान्त्रहरुले पृथ्वीमा जीपीएस वा मौसमबारे महत्त्वपूर्ण काम गर्ने गर्दछन् । विज्ञानले पाएको यो सफलतामा अन्तरिक्षमा रहेका ती यान्त्रहरुको निकै ठूलो योगदान रहेको छ । तर कहिलेकाही ती यन्त्रनै मानव जिवनका लागि खतरा बन्ने गरेको छ । अन्तरिक्षमा भएका यान्त्रहरु अधिकाशं काम लाग्ने छैनन्।
विशेषज्ञहरुका अनुसार चीनको रकेट अन्तरिक्षमा अनियन्त्रित भएर चारैतर्फ चक्कर लगाइरहेको छ । अब यो रकेट धर्तीतर्फ तिव्र गतिमा अघि बढिरहेको उनीहरुले बताएका छन् । विशेषज्ञहरुका अनुसार शनिवार यो रकेट कुनै पनि समय धर्तीमा खस्न सक्छ । यस रकेटलाई लिएर विशेषज्ञहरूले धेरैखाले सम्भावना व्यक्त गरेका छन् ।
विशेषज्ञहरुका अनुसार यो रकेट धर्तीको वातावरणमा प्रवेश गर्दागर्दै जल्न शुरु हुनेछ या प्रवेश गर्नु अगावै जल्न पनि सक्नेछ । यस्तो अवस्थामा जोखिम कम हुनेछ ।
यदि मानिसहरु बसोबास गर्ने इलाकामा यो रकेट खस्यो भने ठूलो दुर्घटना निम्तिने सम्भावना छ । यद्यपी, यो रकेट धर्तीको कुन कुनामा खस्नेछ भन्ने विषय अहिलेसम्म थाहा छैन ।
बीबीसीका अनुसार लङ मार्च ५ बी रकेट झन्डै १ सय फिट लामो छ । अनियन्त्रित भएपछि पछिल्ला दिनमा रकेटले धर्तीमा ३० भन्दा धेरैपटक चक्कर लगाइसकेको छ ।
रकेटको रफतार २८ हजार माइल्स प्रति घण्टा रहेको छ । भने त्यसको तौल झण्डै २१ टन रहेको छ ।
यसरी गएको थियो अन्तरिक्षमा :
एक रिपोर्टअनुसार यो रकेट ४१ डिग्रीको भूमध्य रेखाको झुकावमा घुमिरहेको छ । यसको मलवा ४१ डिग्री उत्तर र ४१ डिग्री दक्षिण गिर्ने आशंका गरिएको छ ।
न्युर्योक, म्याडिङ र बेइजिङ जस्ता शहरमा पनि यो रकेट खस्नसक्ने आशंका छ ।
यो खबर पढेर तपाईलाई कस्तो महसुस भयो ?
प्रतिक्रिया