प्रिमियर लिग फुटबल : म्यानचेस्टर युनाईटेडको जित

काठमाडौं । इंग्लिस प्रिमियर लिग फुटबलमा म्यानचेस्टर युनाईटेडले जित हात पारेको छ ।

आइतवार राति भएको खेलमा युनाईटेडले वेस्ट ह्यामलाई १-० गोल अन्तरले पराजित गरेको हो ।

युनाईटेडले आत्मघाती गोलबाट जित हात पारेको हो । खेलको ५३ औं मिनेटमा वेस्ट ह्यामका क्राग डसनले आत्मघाती गोल गरेका थिए ।

यस जितसँगै युनाईटेड तालिकाको दोस्रो स्थानमा उक्लिएको छ । युनाईटेडले २९ खेलमा ५७ अंक जोडेको छ ।

वेस्ट ह्याम ४८ अंक जोडेर पाँचौं स्थानमा रहेको छ ।

• एजेन्सी