खाँदै नखाएको विषयमा विरोध आउँदा राजीनामा दिएँ, अब सबै नेताहरुको बैंक खाता हेरौँः बाँस्कोटा

काभ्रेपलाञ्चोक । पूर्वमन्त्री गोकुलप्रसाद बाँस्कोटाले आफूमाथि व्यक्तिगतरूपमा विरोधको भाषामा नाराबाजी गरेकामा आपत्ति जनाएका छन्। उनले नेपाल कम्युनिष्ट पार्टी (नेकपा) काभ्रेपलाञ्चोकको पनौती नगर कमिटी बैठक एवं विस्तारित भेलामा सबै दलका हरेक नेताको बैंक खाता हेर्नुपर्ने माग पनि राखेका छन्।

“खाँदै नखाएको विषयमा विरोध आउँदा राजीनामा दिएँ, अब जिम्मेवार व्यक्तिले नेता र पूर्वमन्त्री भ्रष्टाचारका बोलेको विषयमा आरोप लागेकाले के गर्छौँ, त्यसो भए सबैको बैंक खाता हेरौँ”, उनले भने। उनले सबै नेता कार्यकर्तालाई चुनावी रणनीतिमा लाग्न आग्रह गरे।

नेता बाँस्कोटाले अहिले विदेशी हस्तक्षेपविरुद्धको अन्तिम लडाइँ भइरहेको बताए। उनले नेपालको वास्तविक भूगोलबारे विदेशी हस्तक्षेपविरुद्ध अहिलेको लडाइँ अन्तिम नै हुने दाबी गरे। आजको नागरिक दैनिकमा समाचार छ ।