कोरोनाबाट एकैदिन ३० जनाको मृत्यु

काठमाडौं । नेपालमा कोरोना भाइरस (कोभिड १९) को कारण एकैदिन ३० जनाको मृत्यु भएको छ ।

पछिल्लो २४ घण्टामा कोरोनाबाट थप ३० जनाको मृत्यु भएसँगै कुल मृतकको संख्या १ हजार ३४ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो समय नेपालमा कोरोना संक्रमित र मृतक संख्या बढिरहेको छ । यसअघि मंगलवार कोरोनाबाट २० जनाको मृत्यु भएको थियो ।

यसैबीच नेपालमा पछिल्लो २४ घण्टामा ३ हजार ३०९ जनामा कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या १ लाख ८२ हजार ९२३ पुगेको स्वास्थ्य मन्त्रालयले जनाएको छ ।

नेपालमा पछिल्लो २४ घण्टामा कोरोना संक्रमण मुक्त हुनेको संख्या ३ हजार ८४४ रहेको छ ।

योसँगै नेपालमा कुल कोरोना संक्रमण मुक्त हुनेको संख्या १ लाख ४४ हजार ९७८ रहेको छ ।

नेपालमा क्वारेन्टाइनमा रहनेको संख्या १ हजार ३०५ रहेको छ ।

हाल नेपालमा सक्रिय संक्रमितको संख्या ३६ हजार ९११ रहेको छ ।

त्यस्तै अहिलेसम्म नेपालमा १४ लाख ९४ हजार १२२ वटा पीसीआर नमूना परीक्षण भएका छन् ।