नेपालमा कुल कोरोना संक्रमितमध्ये ०.५ प्रतिशतको मृत्यु, ५९ प्रतिशत निको भए (पछिल्लो विवरणसहित)

लोकपथ संवाददाता

२०७७,भाद्र,६,शनिवार १७:४७

काठमाडौं । नेपालमा बितेको २४ घण्टामा थप ६३४ जनामा कोरोना भाईरस (कोभिड १९) संक्रमण पुष्टि भएको छ । योसँगै नेपालमा कोरोना संक्रमितको कुल संख्या ३१ हजार १ सय १७ पुगेको छ । नेपालमा हालसम्म संक्रमितमध्ये ५९ प्रतिशत अर्थात १८ हजार ३ सय ५० जना कोरोनामुक्त भएर घर फर्किएका छन् । बितेको २४ घण्टामा मात्र थप १ सय ३६ जना डिस्चार्ज भएको स्वास्थ्य मन्त्रालयका प्रवक्ता डा जागेश्वर गौतमले जानकारी दिए । त्यस्तै हाल नेपालमा सक्रिय कोरोना संक्रमितको संख्या १२ हजार ६ सय २१ रहेको छ ।

नेपालमा बितेको २४ घण्टामा थप ९ जनाको कोरोनाको कारण ज्यान गएको छ । यो सँगै कुल मृतकको संख्या १ सय ४६ पुगेको प्रवक्ता डा गौतमले जानकारी दिए । उनका अनुसार कुल संक्रमितमध्ये मृतक संख्या ० दशमलव ५ प्रतिशत हो ।

नेपालमा हालसम्म ५ लाख ९२ हजार ४ सय १८ पीसीआर परीक्षणहरु भएका छन् । बितेको घण्टामा देशका विभिन्न प्रयोगशालामा १२ हजार ५ सय १९ परीक्षण भएको प्रवक्ता गौतमले बताए । त्यस्तै हाल क्वारेन्टाइनमा रहनेको संख्या ११ हजार ६ सय ५८ रहेको छ ।

नेपालमा पीसीआर टेस्ट प्रति १० लाख जनसंख्यामा २० हजार ३ सय १ रहेको प्रवक्ता डा गौतमले जानकारी दिए । त्यस्तै हाल नेपालमा ५७५ जना रेड जोन अर्थात कोरोना संक्रमणको उच्च जोखिममा रहेका छन् ।

कुन जिल्लामा कति थपिए संक्रमित ?

कोरोनाको कारण मृत्यु हुनेको संख्या १ सय ४६ पुग्यो

नेपालमा कोरोनाको कारण पछिल्लो २४ घण्टामा थप ९ जनाको मृत्यु भएको छ ।

त्यससँगै नेपालमा कोरोनाको कारण मृत्यु हुनेको संख्या १ सय ४६ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

आज थपिएका मृतक कहाँका कति ?

मृत्यु हुनेमा सुनसरीका ६७ वर्षीय पुरुष र ६ वर्षीया बालिका

पर्साका ६१ वर्षीय पुरुष, ५८ वर्षीय पुरुष र ४८ वर्षीय पुरुष

बाराका ५८ वर्षीय पुरुष

सिरहाका ६८ वर्षीय पुरुष

मकवानपुर ५६ वर्षीय पुरुष

भक्तपुरका ७३ वर्षीय पुरुष

मन्त्रालयका प्रवक्ता गौतमका अनुसार ० दशमलव ५ प्रतिशतको कोरोना संक्रमितको मृत्यु भएको छ ।

काठमाडौं उपत्यकामा एकैपटक थपिए २ सय १६ कोरोना संक्रमित

काठमाडौं उपत्यकामा बितेको २४ घण्टामा थप २ सय १६ जनामा कोरोना संक्रमण पुष्टि भएको छ ।

जसमध्ये काठमाडौंमा १ सय ६०, भक्तपुरमा ५० र ललितपुरमा ६ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

कुन प्रदेशमा कति जना संक्रमण मुक्त ? (पछिल्लो विवरणसहित)

नेपालमा बितेको २४ घण्टामा थप १ सय ३६ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको संख्या १८ हजार ३ सय ५० जना रहेका छन् ।

कुल संक्रमित मध्ये ५९.६ प्रतिशत संक्रमित संक्रमण मुक्त भई अस्पतालबाट हिस्चार्ज भएका स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले जनाकारी दिए ।

प्रदेश १ मा १२३६ जना

प्रदेश २ मा ४०५० जना

वाग्मती प्रदेश ७४३ जना

गण्डकी प्रदेशमा १५९२ जना

प्रदेश ५ मा ४३७७ जना

कर्णाली प्रदेशमा १९७४ जना

सुदूरपश्चिम प्रदेशमा ४३७४ जना

कोरोना संक्रमित नभएका नेपालका यी ३ जिल्ला

नेपालको ७७ जिल्लामध्ये हाल ३ जिल्लामा कोरोना संक्रमित छैनन् । ३ जिल्ला कोरोना संक्रमित मुक्त भएको स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा.जागेश्वर गौतमले जानकारी दिए ।